बुटवल, ६ चैत । त्रिभुवन विश्वविद्यालयका प्राध्यापक तथा अर्थशास्त्री नुरजङ केसीको निधन भएको छ । बुटवल बहुमुखी क्याम्पसको अर्थशास्त्र विभागका प्रमुखसमेत रहेका प्राध्यापक केसी केही समयदेखि निमोनियाको बिरामी थिए । उनको उपचारको क्रममा त्रिवि शिक्षण अस्पताल महाराजगंजमा बुधबार बेलुका निधन भएको हो ।

२०५३ सालदेखि त्रिभुवन विश्वविद्यालयमा प्राध्यापन गराउन थालेका केसीले २०७६ सालमा प्राध्यापकको उपाधि प्राप्त गरेका थिए । उनी बुटवल बहुमुखी क्याम्पसको प्रजातन्त्रवादी प्राध्यापक संघका पूर्व अध्यक्ष हुन् । विक्रम सम्वत २०२६ सालमा जन्मेका केसीको श्रीमती दुई छोरा र दुई छोरी रहेका छन् ।

५५ वर्षको उमेरमै प्राध्यापक केसीको निधनले नेपालको शैक्षिक, प्राज्ञिक र बौद्धिक क्षेत्रमा ठूलो क्षति पुगेको प्रजातन्त्रवादी प्राध्यापक संघका केन्द्रीय सचिव डा। विष्णु पोखरेलको भनाइ छ। उनका सहकर्मीहरु तथा अनुवाईहरुले केसीलाई वस्तुनिष्ठ, यथार्थवादी र खरो बौद्धिक अगुवाको रुपमा स्मरण गरेका छन् ।