तिलोत्तमा , रुपन्देही जिल्लाको तिलोत्तमा नगरपालिका वडा नं तीनमा   भएको छ ।
तिलोत्तमा नगरपालिका वडा नं तीनको आयोजना तथा आर्थिक सहयोग एवं जानकीनगर आमा समूहको सहकार्यमा सो तालिम सम्पन्न भएको हो ।

तालिम कार्यक्रमको उद्घाटन गर्दै तिलोत्तमा नगरपालिका वडा नं ३ का वडाध्यक्ष कल्याण प्रसाद पौडेलले तालिमबाट सिकेको सिपलाई व्यावहारमा उतारी व्यावसायीकतामा परिणत गर्न तालिममा सहभागिहरुलाई आग्रह गर्नु भयो ।

सो अबसरमा जानकीनगर आमा समूहका अध्यक्ष मन्जु गौतमले समूहले यस अघि नै एक हप्ते तालिम दिएको तर त्यो तालिमको प्रभावकारीता कम भएको महशुस गरी वडामा कार्यक्रम माग भएको जानकारी दिनुभयो ।

समूहमा १० जनालाई व्यावसायीक जुत्ता चप्पल बनाउने तालिमका लागि आबश्यक पर्ने कच्चा पर्दाथका लागि नगरपालिकामा पहल गरेर यो तालिमलाई पूर्णता दिने पनि अध्यक्षले सो अबसरमा बताउनुभयो ।

कार्यक्रममा तिलोत्तमा नगरपालिका वडा नं तिनका वडा सचिव गोकुल गिरीले जानकीनगर आमा समूहको सक्रियताका आधारमा वडामा यो कार्यक्रम ल्याउन सफल भएको भन्दै आगामी दिनमा तालिमको सदुपयोग गर्न सुझाव दिनुभयो ।

तालिमबाट आगामी दिनमा व्यावसाय संचालन गर्न सकिने तालिमका प्रशिक्षार्थि तुल्सा अर्यालले बताउनु भयो ।
जानकीनगर आमा समूहका उपाध्यक्ष गिता रानाको स्वागतमा भएको कार्यक्रमको संचालन सचिव कल्पना शर्माले गर्नु भएको थियो ।