बुटवल। सिद्धार्थ राजमार्गको बुटवल पाल्पा खण्डको दोभानमा पहिरो जाँदा राजमार्ग अवरुद्ध भएको छ ।

दोभान नजिकै करिव ३५ मिटर सडकमा लेदो सहितको पहिरो गएका कारण सडक अवरुद्ध भएको प्रदेश ५ ट्राफिक प्रहरी कार्यालय बुटवलले जनाएको छ ।

पहिरो खस्नेक्रम जारी रहेकाले छिटो सडक सञ्चालनको सम्भावना नरहेको प्रहरीले बताएको छ ।

पहिरोग्रस्त क्षेत्र नजिकै स्काईभेटर तयार अवस्थामा राखिएपनि ठूलो ढुंङ्गा सहितको लेदो खस्ने क्रम नरोकिएकाले सडक खुलाउने काम हुन सकेको छैन ।

ट्राफिक प्रहरीले सडक बवरुद्ध भएका कारण पाल्पा बुटवल खण्डमा यात्रा तय गरेका सर्वसाधारणलाई यात्रा स्थगित गर्न अनुरोध गरेको छ ।

पाल्पा सडक खण्डमा माथिबाट लेदो झरी सड्क अबरोध हुन पुगेकोले लेदो नहटे सम्मको लागि सो सड्कमा हिनडुल तथा यात्रा नगर्न हुन जानकारीको लागि अनुरोध ।