काठमाडौं ।
राष्ट्रिय परीक्षा बोर्डले अर्को निर्णय नहुँदासम्म तत्काल कक्षा ११ को वार्षिक परीक्षा नलिन विद्यालयहरूलाई निर्देशन दिएको छ । कोरोनाका कारण बोर्डले सम्बन्धित विद्यालयरूको जिम्मा लगाएको ११ को वार्षिक परीक्षा जोखिमको अवस्था कायमै रहेको हुँदा तत्काल नगर्न निर्देशन दिएको हो ।
कतिपय विद्यालयहरूले परीक्षासम्बन्धी कार्यक्रम सार्वजनिक गरेको पाइएको हुँदा सोबाट विद्यार्थी तथा अभिभावहरूमा त्रासको वातावरण सिर्जना हुन गएको बोर्डद्वारा जारी सूचनामा उल्लेख छ । बोर्डले सूचनामा भनेको छ, ‘कोभिड१९ को संक्रमणका कारण नेपाल सरकारले हालसम्म विद्यालय पुनः सञ्चालनको निर्णय गरिनसकेको अवस्थामा समेत केही विद्यालयहरूले कक्षा ११ को परीक्षा सम्बन्धी कार्यक्रम सार्वजनिक गरको पाएको हुँदा सो बाट विद्यार्थी तथा अभिभावहरूमा त्रासको वातावरण सिर्जना हुन गएकोले नेपाल सरकारबाट विद्यालय पुनः सञ्चालनको निर्णय नभएसम्मका लागि परीक्षा सम्बन्धी कार्यहरू नगर्नु र नगराउनु हुन सम्बन्धित सबैलाई सूचित गरिन्छ ।’कोभिड११ का कारण स्थगित कक्षा ११ को नियमिततर्फको परीक्षा आगामी माघभन्दा अगाडि लिइसक्नु पर्ने व्यवस्था छ ।