बुटवल

नेपाल पत्रकार महासंघ रुपन्देहीले यही चैत १६ गते स्थापना दिवस मनाउने भएको छ । महासंघको रुपन्देही शाखाले सैनामैनामा ६७ औं स्थापना दिवस मनाउने भएको हो ।
महासंघको विहिबार बसेको सचिवालय बैठकले स्थापना दिवसमा शूूभकामना आदानप्रदानसँगै ‘स्थानीय तह र सञ्चार बिषयक’ अन्तरक्रिया समेत गर्ने निणर्य गरेको छ । पत्रकार महासंघले विकेन्द्रिकरणको मान्यतालाई आत्मसाथ गर्दै सैनामैनामा स्थापना दिवस मनाउन लागेको अध्यक्ष रामराज पोख्रेलले जानकारी दिनुभयो ।
उहाँले बुटवल र भैरहवासँगै शहरउन्मूख नगरहरुमा समेत महासंघले कार्यक्रमलाई प्राथमिकतामा राखेको बताउनुभयो ।
स्थापना दिवस सम्पन्न गर्नका लागि कार्यसमिति सदस्य नविन घिमिरेलाई कार्यक्रम संयोजकको जिम्मेवारी दिने निणर्य पनि महासंघले गरेको छ ।
कार्यक्रममा पत्रकार महासंघका पूर्वअध्यक्ष, सल्लाहकार, सैनामैनाका नगरप्रमुख सहितका जनप्रतिनिधि, पत्रकार सम्बद्ध संगठनका नेता, पत्रकार र विभिन्न संघसंस्थाहरुको सहभागिता रहनेछ ।