बुटवल

बुटवल उपमहानगरपालिकाका नवनिर्वाचित नगरप्रमुख खेलराज पाण्डेय र उपप्रमुख सावित्रा अर्यालले पदभार ग्रहण गर्नुभएको छ । नगरप्रमुख पाण्डेयले सोमबार बिहान पद तथा गोपनीयताको सपथग्रहण गर्नुभएको थियो ।
त्यस्तै दिउसो नगरपालिकामा आयोजित पदस्थापन समारोहमा नवनिर्वाचित उपमेयर सहित वडाअध्यक्ष सदस्यहरुलाई नगरप्रमुख पाण्डेलेले सपथ ग्रहण गराउनु भएको थियो । लगत्तै नगरप्रमुख पाण्डेय र उपप्रमुख अर्यालले कार्यकक्षमा स्वस्तीशान्ति गरि पदभार ग्रहण गर्नुभएको हो ।
त्यस अवसरमा लुम्बिनी प्रदेशका मुख्यमन्त्री कुलप्रसाद केसी, निवर्तमान नगरप्रमुख शिवराज सुवेदी, निवर्तमान उपप्रमुख गुमादेवी आचार्य लगायत विभिन्न राजनीतिक दलका प्रमुख तथा प्रतिनीधिहरु र नगरपालिकाका कर्मचारीहरुको सहभागिता रहेको थियो ।