तिलोत्तमा

नवनिर्वाचितवडाध्यक्षले सेवा प्रवाहमा लार्पबाही गरेपछिे तिलोत्तमा नगरपालिका वडा नम्बर १ को कार्यालयमा तालाबन्दी भएको छ ।

अत्यावश्यक कामसमेत नभएको भन्दै सेवाग्राहीले मंगलबार वडा कार्यालयमा तालाबन्दी गरेका हुन् । वडाध्यक्ष फर्सुराम गिरी कसैलाई पनि कार्यवाहकको जिम्मेवारी नदिई वडामा अनुपस्थित भएको र फोन गर्दा समेत सम्पर्क नभएपछि आफूहरुले बाध्य भएर वडा कार्यालयमा तालाबन्दी गरेको सेवाग्राही चिरञ्जीवी देवकोटाले बताउनुभयो ।

गिरि एमालेबाट निर्बाचित वडाध्यक्ष हुनुहुन्छ । उहांले आफु चौकिल्ला बनाउनका लागी शुक्रबार, सोमबार र मंगलबार गरी ३ दिनसम्म वडा कार्यालयमा पुग्दासमेत वडाध्यक्ष र कुनै पनि सदस्य उपस्थित नभएपछि काम नबनेको भन्दै फोनसमेत नउठेको बताउनुभयो ।

म जस्ता धेरै वडामा काम लिएर गएका थिए,उहाले भन्नुभयो –‘फोन उठे वडाध्यक्ष भएकै ठाउमा गएर काम गराउछौं, भन्दा फोन नै उठ्दैन, त्यसैले ताला लगाइदियौं’ ।

कार्यपालिका निर्वाचनको तयारी भएको र अर्काे पार्टीले मत चोर्न सक्ने भएकाले लागि रुपन्देहीमा जनप्रतिनिधि भूमिगतको स्रोतको भनाइ छ ।