काठमाण्डाै – अझै केही दिन देशका धेरैजसाे ठाउँमा हल्कादेखि मध्यम वर्षा हुने अनुमान गरिएको छ । प्रि–मनसुन गतिविधि सक्रिय रहेकाले देशका धेरै धेरैजसाे ठाउँमा आंशिकदेखि सामान्य बदली रही केही स्थानमा र अन्य प्रदेशका पहाडी भूभागका एक/दुई स्थानमा मध्यम वर्षाको सम्भावना रहेको जल तथा मौसम विभागका मौसमविद् राजु प्रधानाङ्गले बताउनुभयो ।

उहाँका अनुसार प्रि–मनसुन सक्रिय हुनुका साथै स्थानीय वायु, भारतको उत्तर प्रदेश, विहार आसपास रहेको न्यूनचापीय रेखा र पश्चिमी वायुको प्रभावसमेत रहेको छ । यी प्रणालीको प्रभाव मनसुन भित्रिएपछि मात्र कमजोर हुने देखिएको छ, मौसमविद् प्रधानाङ्गले भन्नुभयो । मनसुन भित्रिने औसत समय जुन १३ मानिएको छ । रातकाे समयमा प्रदेश नं १, मधेस प्रदेशका थोरै स्थानमा र बाग्मती प्रदेश, गण्डकी प्रदेशका पहाडी भूभागका एक–दुई स्थानमा मेघगर्जन/चट्याङ र हावाहुरीसहित पानि पर्ने सम्भावना रहेको छ ।

भाेलि बिहीवार प्रदेश नं १, बाग्मती र गण्डकी प्रदेशका केही स्थानमा र बाँकी प्रदेशका एक वा दुई स्थानमा मेघगर्जन/चट्याङ र हावाहुरीसहित पानि पर्ने सम्भावना रहेको विभागले जनाएको छ ।