बुटवल,

रुपन्देही क्षेत्र न.३ बाट राप्रपाका उपाध्यक्ष दिपक बोहोरा बिजयी भएका छन् । उनले नेपाली कांग्रेसका नेता तथा गृहमन्त्री बालकृष्ण खांणलाई २ हजार ६४२ मतान्तरले पराजित गरेका हुन् ।

सत्ता गठबन्धनका साझा उम्मेदवार रहेका खांणलाई राप्रपा र एमाले को गठबन्धनका उम्मेदवार रहेका बोहोराले ३६ हजार ६४८ मत पाउँदा गृहमन्त्री समेत रहेका खांणले ३४ हजार ६ मत पाएका छन् ।

रुपन्देही क्षेत्र नम्बर ३ (२) मा नेकपा एमालेका तुलसीप्रसाद चौधरी विजयी भएका छन् भने ३ (१) मा लोसपाका सन्तोष पाण्डे बिजयी भएका छन् ।

यससंगै रुपन्देहीका पाँचैक्षेत्रको मतगणना सकिएको छ । रुपन्देहीमा प्रतिनिधिसभामा एमाले ३ ,राप्रपा १ र लोसपाले १ जितेका छन् ।