तिलोत्तमा महाशिवरात्रि पर्व को अबसरमा दुर्व्यसन मुक्ति एवं राजयोग विषयक जनचेतना मुलक सन्देश कार्यक्रम तिलोत्तमा नगरपालिका वडा नं तीन को सभाहलमा सम्पन्न भएको छ।
तिलोत्तमा वडा नं तीन को आयोजनामा भएको कार्यक्रममा वडाध्यक्ष कल्याण प्रसाद पौडेलले मानिस बिकसित हुने होडमा कुलत,र दुर्व्यसन तर्फ फस्दै गएको हुंदा युवाहरुमा सकारात्मक सोचको विकासकालागि यस्ता खालका कार्यक्रम ले सहयोग पुर्याउने बताउनुभयो। कार्यक्रमको
सहजिकरण ब्रह्माकुमारी ईश्वरीय विश्व विद्यालय जानकीनगर शाखाका प्रमुख ब्रह्माकुमारी कृति दिदी एवं ब्रह्माकुमारी कृष्ण दिदी ले गर्नु भएको थियो । उहाँले जबसम्म मानिस आफैमा सकारात्मक परिवर्तन हुन सक्दैन तब सम्म समाज परिवर्तन हुन सक्दैन । मन शान्ति, आत्मा शान्ति नहुंदा सम्म मानिस आफैमा शान्त हुन सक्दैन त्यसैले ब्रह्माकुमारी ईश्वरीय विश्व विद्यालय कुनै धर्मको प्रचार गर्न नभएर मानिसलाई सेवा भावले सकारात्मक परिवर्तनको लागि काम गर्ने बताउनुभयो।
कार्यक्रम वडा नं तीन का सचिव गोकुल गिरीको संचालनमा भएको थियो।