नागरिक मजदुर संघ रुपन्देहीका सभापति सरस्वती थारुको सभापतित्वमा भएको कार्यक्रममा बोल्दै ओमसतिया गाउँपालिका उपाध्यक्ष सुनिता चौधरी, नागरिक उन्मुक्ति पार्टिका जिल्ला अध्यक्ष तुलसी थारु, पार्टिका केन्द्रिय सदस्य सत्यदेव चौधरी, विद्यावती थारु, थारु कल्याणकारी सभा रुपन्देहीका सहसचिव सल्यनारायण चौधरी, तिलोत्तमा सभापति आशा थारु, समाजसेवी कमलनारायण चौधरी, सारुख खाँन, दुर्गा थारु, भिम बहादुर थारु लगाएतले बोल्दै मजदुरहरूले यस दिवसलाई पर्वका रुपमा लिँदै आफ्ना हक अधिकारको सुनिश्चितताका लागि सरकार र रोजगारदातालाई दबाब दिनु पर्नेमा जोड दिए ।

मिना थारुको स्वागत, निलम थारुको सञ्चालनमा भएको कार्यक्रममा बोल्दै बक्ताहरुले आठ घण्टा काम, आठ घण्टा मनोरञ्जन र आठ घण्टा आराम भन्ने नारालाई व्यवहारमा उतार्नु पर्ने बताए ।

नेपालमा विराटनगरमा २००७ सालमा मजदुर आन्दोलनसँगै यो दिवस मनाउन थालिएको थियो । तर सरकारले भने २०६४ सालदेखि अन्तर्राष्ट्रिय मजदुर दिवसको दिन आधिकारिक रुपमा सार्वजनिक विदा दिन थालेको थियो ।