बुटवल
रुपन्देहीकाे मायादेवीमा गोली प्रहारबाट एक जनाको मृत्यु भएको छ ।

मृत्यु हुनेमा जिल्लाको मायादेवी गाउँपालिका वडा नम्बर २ का २९ वर्षिय राकेशसिंह लोध रहेका छन् ।

आज बिहान ८ः १५ बजे घरको बरन्डामा रगताम्मे अवस्थामा भेटिएकाले लोधकाे गोली प्रहारबाट मृत्यु भएको प्रारम्भिक अनुसन्धानबाट देखिएकाे जिल्ला प्रहरी कार्यालय रुपन्देहीका सूचना अधिकारी,प्रहरी नायव उपरीक्षक सुरज कार्कीले बताए ।

घटनापछि मृतकको दाजु फरार रहेकोले उनको खोजी भईरहेको र घटना बारे थप अनुसन्धान भईरहेको प्रहरीले जनाएको छ ।

घरमा घरायसी विवाद रहेको भन्ने सुन्नमा आएकोले साेही कारण हत्या भएको हुनसक्ने आशंका गरिएको छ ।