बुटवल –  हिन्दुहरुको पर्व जनैपूर्णीमाको अवसरमा रुपन्देहीका दुई स्थानीय तहले विदा दिएका छन् । तिलोत्तमा नगरपालिकाको आईतबारको निर्णय अनुसार नेपालीहरुले मनाउने जनैपूर्णिमा र रक्षाबन्धनका अवसरमा स्थानीय विदा दिइएको जनाएको छ ।

प्रमुख प्रशासकीय अधिकृत माधव प्रसाद शर्माद्धारा जारी विज्ञिप्तीमा नगरकार्यपालिकाको कार्यालय, वडा कार्यालयहरु, विषयगत शाखा कार्यालय तथा शैक्षिक संस्थाहरुमा विदा दिइएको उल्लेख गरिएको छ ।

यसैगरि सियारी गाउँपालिकाले पनि स्थानीय विदा दिएको जनाएका छ । सोमबार परेको पर्वको अवसरमा शूभकामना दिदै सियारी गाउँपालिका मातहतका सम्पूर्ण कार्यालय र शैक्षिक संस्थामा स्थानीय विदा दिइएको कार्यवाहक अध्यक्ष अृमता गुरुङले जानकारी दिईन । उनले आईतबार एक विज्ञप्ति जारी गरि विदा दिइएको सूचित गरेकी छन् ।