तिलोत्तमा

जानकीनगर आमा समूहको आयोजनामा पांच दिने क्षमता अभिवृद्धि तथा उद्घोषण तालिम शुरु भएको छ।
तिलोत्तमा नगरपालिका वडा नं तीनका वडाध्यक्ष कल्याण प्रसाद पौडेलले कार्यक्रम को उद्घाटन गर्दै महिलाहरुको क्षमतामा बृद्धि भए मात्र परिवार र समाजमा सकारात्मक प्रभाब पर्ने त्यसका लागि सकारात्मक सोचको बिकास आबश्यक रहेको बताउनुभयो । जानकीनगर आमा समूहका अध्यक्ष मन्जु गौतमले समूहको बार्षिक निति तथा कार्यक्रम अनुसार नै यस प्रकारको कार्यक्रम को आयोजना गरिएको बताउनुभयो।
पांच दिन सम्म संचालन हुने तालिम कार्यक्रम को उद्घाटन सत्रमा समूहका उपाध्यक्ष गिता रानाले स्वागत मन्तव्य राख्नुभएको थियो भने कार्यक्रम को संचालन सहसचिव ईन्द्रा जि सी ले गर्नुभएको थियो ।
सो अबसरमा समाजसेवी बसन्त जि सी,समूहका सल्लाहकार राममाया घिमिरे, जानकीनगर टोल विकास संस्थाका उपाध्यक्ष दिपा अर्याल ले तालिममा सिकेका कुराहरुलाई ब्याबहारमा उतार्न अनुरोध गर्नुभएको थियो। अठार जना सहभागी रहेको तालिमको सहजीकरण कल्पना शर्मा ले गर्नुभएको छ ।