पाल्पा – पाल्पामा पहिरोले घर बगाउदा बेपत्ता भएका  ५ जना मध्ये शुक्रबार दिउँसो २ महिलाको शब फेला परेको छ ।

रम्भा गाउँपालिका–२ फोक्सिङकोटमा बिहिबार बिहान पहिरोले घर पुरिदा ५ जना बेपत्ता भएका थिए । पहिरोमा परि ६३  वर्षीया हुम बहादुर गाहा, उनका श्रीमती ४७ वर्षीया धनी सरा, छोरी १६  वर्षीया कृष्णामाया गाहा, १४  वर्षीया नातिनी खुमिसरा आले र ७ वर्षीया नातिनी लक्ष्मी गाहा बेपत्ता भएका थिए ।

बेपत्तामध्ये आज दिउँसो  दुई महिलाको शब भेटिएको सशस्त्र प्रहरी बल पाल्पाका प्रमुख अरुण सिंहले जानकारी दिए  ।

बिहीबार निरन्तर झरी र पहिरो जाने क्रम नरोकिएपछि आज विहानबाट मात्रै बेपत्ताहरुको खोजी कार्य शुरु भएको हो । सुरक्षा निकाय, स्थानीयको सहयोगमा अहिले पनि बेपत्ताहरुको खोजी भैरहेको रम्भा गाउँपालिकाका अध्यक्ष विष्णुप्रसाद भण्डारीले जानकारी दिए । बिहीबार नै पहिरोले घर पुरिदा सोही वडाकी २७ वर्षीया मोतीसरा गाहाको ज्यान गएको थियो  ।