बुटवल-नेत्रहीन युवा संघ नेपालको आयोजनामा सारिरिक अपाङ्गता भएका व्याक्तिहरुको लागि यौनिकता शिक्षा तालिम प्रदान गरेको छ । १३ बर्ष देखि २५ बर्ष उमेर समूहका शाररिक अपाङ्गता भएका व्याक्तिहरुलाई भर्चअल माध्यमबाट तालिम प्रदानगरिएको हो । तीन दिन सम्म चलेको बृहत यौनिकता शिक्षा तालिममा रिता साही र किसोर आतार्यले सहजीकरण गरेका थिए ।

नेत्रहीन युवा संघ रुपन्देहीको व्यवस्थापनमा तालिम सञ्चालन गरिएको अध्यक्ष टिकारमा पौडेलले जानकारी दिए । २५ जना को सहभागिता रहेको तालिम समापन कार्यक्रममा सहभागी रितु खनाल ले सिक्ने विषय बढि रहेकोले अझ वृहत रुपमा आयोजना गर्नुपर्ने धारणा राखिन् । सहभागी मन्जु शाहसी, सुवास गुरुङ, केन्द्रीय कार्यलयका कर्मचारी निरु महर्जन लगायतले आ आफ्नो धारणा राखेका थिए ।