तिलोत्तमा-२ मा रहेको श्री शंकरनगर दुर्गादत्त मा.विमा अतिरिक्त क्रियाकलाप अन्तरगत सदन विभाजन कार्यक्रम सम्पन्न भएको छ ।
विद्यार्थीहरुलाई अध्ययनका साथसाथै विभिन्न सृजनात्मक, रचनात्मक एवम् व्यवहारिक ज्ञान दिलाउने उदेश्यले विद्यालयमा अध्धयरत कक्षा १ देखि १० सम्मका विद्यार्थीहरुलाई विभिन्न पहेँलो, रातो, हरियो र निलो सदनहरुमा विभाजन गरिएको छ । विद्यालका सह-प्राचार्य प्रकाश लाल श्रेष्ठको अध्यक्षतामा सञ्चालित साे कार्यक्रमको प्रमुख अतिथिको रुपमा विद्यालयका प्रधानाध्यापक चण्डी प्रसाद पाण्डे र शिक्षक शिक्षिका लगाएत पूर्व सदन प्रमुखहरुको उपस्थिति रहेको थियो । कार्यक्रमबाट रातो सदनको लिडरहरुमा बिपर्सन कुवर र मनोज भण्डारी , हरियो सदनको लिडरहरुमा गणेशमान पुन र वर्षा भुजेल , निलो सदनको लिडरहरुमा कृतिका खत्री र शान्ती गौचन र पहेलो सदनको लिडरमा मोहित ज्ञवाली छानिएका छन् । नवगठित सदनका लिडरहरुले कोभिड–१९ महामारीले विगतको वर्षमा अतिरिक्त क्रियाकलापमा अवरोध सृर्जना गरे पनि अब प्रभावकारी रुपमा आफ्ना कार्यक्रमहरु वर्षभरि नै गर्ने प्रतिबद्धता जनाएका छन् र विद्यालयबाट हुने सम्पूर्ण सहयोग सधैभरी रहने प्रतिबद्धता जनाएका छन् । सम्पूर्ण कार्यक्रमको सम्योजन अतिरिक्त क्रियाकलाप प्रमुख गणेश पन्थले गरेका थिए ।