काठमाण्डाै – काठमाण्डौबाट भैरहवा उडेको श्री एअरलाइन्सको जहाजको इन्जिनमा आगो लागेको सङ्केत देखिएपछि काठमाण्डौ नै फर्काइएको छ ।

बिहान साढे ९ बजे उडेको उडान नम्बर ८२१ जहाजमा ‘फायर वार्निङ’ को सङ्केत देखिएपछि त्रिभुवन विमानस्थलमा नै फर्काएर सकुशल अवतरण गराइएको विमानस्थलका प्रवक्ता टेकनाथ सिटौलाले जानकारी दिनुभयो । उहाँका अनुसार जहाज उडेको केहीबेरमै इन्जिनमा आगो लागेको सङ्केत देखिएको थियो ।

यो सङ्केत देखिएपछि जाहाजलाई काठमाण्डौमै फर्काइएको उहाँले बताउनुभयो । जहाजमा ७६ जना यात्रु र चार जना चालक दलका सदस्य थिए । उनीहरु सबै सकुशल छन् ।