बुटवल – बुटवल उपमहानगरको ३ वडा वार्डको मतगणनाको पछिल्लो परिणाम अनुसार गठबन्धनबाट कांग्रेस उम्मेदवार खेलराज पाण्डेले आफ्नो अग्रता कायमै राखेका छन् । वार्ड नम्बर १ को नतिजा सार्वजनिक हुँदा र वार्ड नम्बर २ र १९ को अन्तिम परिणामको तयारी भईरहँदा पाण्डेले अग्रतालाई कायम राखेका हुन् ।

पछिल्लो परिणाम अनुसार पाण्डेले २३३१ मत सहित अग्रता कायम गरेका छन् भने उनलाई एमालेका बावुराम भट्टराईले १३८७ मतका साथ पछ्याईरहेका छन् ।

त्यसैगरि उप प्रमुख पदमा एमालेकी सावित्रा अर्यालले १४५८ मतका साथ अग्रता लिएकी छन् भने उनलाई गठबन्धनबाट एकीकृत समाजवादीका उम्मेदवार चिनबहादुर गुरुङले १२०३ मत सहित पछ्याईरहेका छन् ।

वडा नम्बर २ र १९ को मरिणाम घोषणाको तयारी भइरहेको मुख्य निर्वाचन अधिकृत लेखनाथ पौडेलले जानकारी दिए ।