अर्घाखाँची – अर्घाखाँची मालारानीको गोखुंगामा आज दिउँसो चट्याङ लागेर एक जनाको ज्यान गएको छ ।

त्यस्तै चट्याङ लागेर अन्य चार जना जना गम्भीर घाइते भएका छन् ।

ज्यान जानेमा अर्घाखाँचीको मालारानी गाउँपालिका–९ गोखुंगा सेपानेका स्थानीय २० वर्षीय मिलन खनाल रहेका छन् ।

सन्धिखर्क अस्पतालमा उपचारको क्रममा खनालको ज्यान गएको जिल्ला प्रहरी कार्यालय अर्घाखाँचीका प्रमुख मुकुन्द रिजालले बताउनु भयो ।

चट्याङ लागेर गम्भीर घाइते भएका दामोदर खनाल, जेमबहादुर पुन, चन्द्रबहादर पुन र लिलबहादुर पुनलाई भने उपचारका लागि लुम्बिनी अञ्चल अस्पताल बुटबल रिफर गरिएको छ ।